| |
Gluggersegg
Dr Waagefiehrer Haiggi Haier
fahrt mit Liecht am Daag sy Zwaier.
Do maint e Fahrgascht: s‘isch nie z‘schpoot
ass emene Drämmler s Liecht uff goht.
|
|
| S‘ spitzig Ryssblei
Statt die alte Drämmli z‘fligge
dien-mr die uff Belgrad schigge
dört fahre die, joh s‘isch wohr
nomol öbbe 150 Johr
dur d‘Stroose, d‘Gasse, und über d‘Brugg
vylicht grieg i im Ustusch mi Mercedes z‘rugg.
|
d Käärnebigger
Wo mir am Bahnhof obe d Strooss wänn iberquere
do dien is allewyl 5 Dramm dr Wäg verspeere
Wo mir e Lugge gsehn, do seggle mir wie d Naare
Do isch dr Elfer khoo und het is iberfahre.
|
| ?
d BVB isch defizitär
d Finanzlaag die syg ganz prekär
drby wurd s Drämmli bestens rentiere
wenn si wurde fürs Warte kassiere.
|
Passevite
In ainere Stund und ooni Graft
hesch d Rais im Zug vo Ziiri gschafft
Jetz bruuchts nur Gligg und Zuefall, Schatz
denn schaffsch au no dr Bahnhofplatz.
|
| Aigebreetler
Zeerscht e Stopp - denn beobachte - mit yyserne Närve
E Sprung nach rächts - e Rolle no linggs - und in Deggig wärfe.
So machts nid ebbe e Yankee uff Taliban Hatz
sondern e Basler bim Iberquere vom Centralbahnplatz.
|
Schuuflebuur
Singt s Anggebliemli friehner: "Drämmli, Drämmli,
Drämmli uff di wart y nämmli",
han ych hütt als Schuuflebuur ai Wunsch:
ass am Bahnhof joo nie drunder kunnsch!
Buureregle:
Am Bahnhof hets, ych glaub ych spinn,
bald meh Glais voruss, als dinn.
|
| Fäärimaa
Dr Centralbahnplatz isch ney geboore.
Vor Schregg hetts Hotel Euler e Stärn verloore
Dä Platz isch tatsächlig no wieschter als friehner.
Nur: Dangg de Drämmli wo steen, isch är wenigstens griener.
|
?
Basel spändet, als Geschte vom Weschte
Drämmli in Oschte, nur die beschte.
me könnt no vyl meh nach Belgrad schigge,
ych will nur zwai Bispyyl uuse picke:
bim Käppeli Joch, die Schiene wo rumple
und d Kläpper-Sänfte, wo quitsche und humple.
|
| s Gratzbürschtli
Wenn e Combino uff dr Streggi dr Gaischt uffgit,
isch das fir ganz vyl Lyt kai Hit.
Denn fählt nur ains, am Daag und z Nacht
ain wo de Fahrgescht Kaffi macht.
|
Zahnstocher
Am Riechering, do fahrt dr Drämmler Megge Maier
wie sichs ghöört, im Kraisel umme mit sym Zwaier.
Doch gly druffabe fluecht er uss dr Drammkabyyne:
Jetz fahr mer denn scho s dritt Mool sälber hindenyyne.
|
| Aigebreetler
Gseesch e Drämmli mit em 1/14 vorne und am Aend,
Denn isch das nit im Drämmler si Intelligänzquotiänt.
Nai. D Wooret iber d BVB, die gsesch do:
Numme ains vo 14 Drämmli duet pinggtlig ko.
|
Schwoobekäfer
D Combino-Dram, die Wunderwärgg, wo d BVB jetz fiehre,
die kenne mit dr Tüüre, wenn sy zue goht, Hünd halbiere,
und dass si amme stäcke blyybe in de änge Rängg,
das muess di au nit wundere, die hän dängg Sulzer-Glängg.
|
| Käärnebigger
Duet unsri BVB sehr menschefrindlig dängge,
und schyns uff Belgrad usrangschierti Drämmli schängge.
jetz kunnt denn no Katmandu dra, das schwör ych ihne,
s Problem isch nur, die hänn glaub deert no kaini Schiene.
|
Peperoni
E Drachtegruppe us Aesch by Gott,
wo mit em Elfer an d 500-Johr-Fyhr wott,
fahrt via neue Bahnhofplatz, mit synere Gschtaltig, däre tolle,
sitthär het me si nümme gseh, si gälte als verscholle.
|
| die Gsalzene
Am Bahnhof SBB, do hesch e Wirrwarr mit de Glais.
Vo linggs und rächts bedrohe wildi Drämmli d Tattergrais.
Do drunter gsesch aus s 1 vo 14 - was mag das denn syy?
Pro Haltstell moschte die vom Baudepp 14 mol e Baustell dryy.
|
die Haiggle
Schwarzfahre lohnt sich nimme. Si hämmi paggt.
Gjaggt wirsch bald im Minutetaggt.
Aber gärn zahle mir die Buess vo dr BVB.
Sitt mer d Buesse vo dr Roche hänn gseh.
|
| Gasladärne
Im Dram saage si jetz, wo me uusstyyge ka,
in siibenezwanzig Sprooche aa.
Doch ych blyyb hogge on my Stool
so spaar ych mir my Berlitz-School.
Buurereegle:
"Exhibition-Square", es duet mer laid,
däm han ych "Nachtigalle-Wäldeli" gsait.
|
Fläädermyys
S Röösli Hueber bringt me in drey Dail in Spittel.
Uff Zimmer D bis F liggt jewyyls jetz ai Drittel.
Hejoo, vom Achter und vom Elfer lycht bedrängt,
hetts ihre nimme bis in d Schalterhalle glängt.
|
| Rhynozeresser
Es muess dr Drämmler sich dra halte.
und au an Daag jetz s Liecht yschalte.
Indr Verwaltig sag yh niechter,
findsch au bis hitt no kaini Liechter.
|
