| |
Chropf-Clique Rieche "Mer griessen-n-alli vo dr Passerelle"
Bim Combino, wo jo au e Dachschaade hett,
mach y hütt scho jedi Wett:
bassed uff, s good nümm lang nämmli,
no schiffts nämmli au in s Drämmli!
|
|
| Dänggwäärzli Waggis
"In dr Börse kaa mer bueche, fir Kaffi und fir Keenig-Kueche"
Doch d‘BVB het au ohni dr Bahnhof scho gnueg Sorge
Die liege im Combino und im Depot Wiiseplatz verborge
Blyybt z‘hoffe an dr Fasnacht gitts mit kaim Drämmli Mais
Und dass alli blybe uff de rächte Gleis.
E groosse Fahrplanwächsel hets im letschte Dezämber gee,
Dä funktionniert by Sunne, Rääge, Wind und Schnee,
50 Minute bruchts um vo Basel nach Ziri z‘koo
Nur laider steen Ziircher jetzt au schnäller doo.
|
Horburg-Rueche "Mr wärde gspart"
Me spart am Stoff bi Frauebluse
so gsehsch vyyl Buuch (es duet aim gruuse)
me spart z‘Basel an de Drämmli
so wart ich länger halt no uf sie, nämmli.
|
| Alti Basler Dante "T(o)ut-Bale-an-chamun"
Oder d Uniform wo si nei trage
sei dahin gstellt obs aim gfallt.
Fyr dr Aint isch s scheen
und fyr en Andere wiene Papagei usem Tropewald.
|
Siirmel Waggis
"Syg s wie s well mir sinn traditionell"
Wie stohts mit de Bärner Dram?
Z Basel fahre si scho vyl z lang!
und wenn d jetz wotsch go Drämmli fahre,
no muesch grag frieh gnueg afoh spare.
|
| Rhy-Mühli Waggis
S Drämmlidepot brennt wiene alt Wienachtsdännli
isch ächt das jetzt die Sanierig vo de Combinodrämmli?
Oder hett e BVBler scho umsverworge,
die neye Uniforme welle entsorge?
|
Die Vertschubblete "Basel rennt"
Renne, renne, renne, renne,
Rösli, sag, wo blybsch Du denne?
Los Megge, seggle Du efang,
y wart doch uff‘s Combino-Tram!
|
| Vereinigte Kleinbasler Jungi Garde
"D Freyfluugstreggi im Haafebeggi"
S fliegt au mit in corpore
s Präsidium vo dr BVB,
die laischte sich das Pläuschli nämmli
und verschrotte so d Combino-Drämmli.
|
Pfluderi-Clique "Fuma u muera - ON VERAS!"
Derfsch im Drämmli nymmi ässe
S Kiffe kasch au grad vergässe
Derfsch nit ohni z‘zahle fahre
Denn kasch dr‘s fahre jo au schpare.
|
| Muggedätscher "Mer stäche zue!"
S gseet s Logo doch uff Dramm und Buss
wien e Hirnvergresserig uss,
und zwar dreydimensional,
dä Millimeter isch banal.
s gheert so zue de BV-Bachel
au die hänn hinde halt e Stachel!
Neyi Linie solle s syy,
d Trolly stampft me ganz schnäll yy,
d Bewilligung vergisst me denne
das passiert halt vyyl bim penne.
Dä Hanselmaa und Vischer Schorsch
verdaidige d Abschiffer forsch!
|
Die unverwieschtlige Schnoogekerzli "undeduure"
falls je e Drämmler sich verzellt
und naime lätz e Waiche stellt,
noo fahrt er mit sym Riss-Combino
wenn dää s verlyydet, in Ticino.
|
| Plausch Brieder "1001 Märli"
S Combinotram - dä lang grien Schluuch,
vo usse chic, doch hool im Buuch.
D‘Regierig und au d‘ BVB
verspräche‘s z‘fligge, ‘s nutzt nyt me.
D‘Glängg sin hii und d‘Rääme bräche,
scho wiider so-n-e läär Verspräche,
wo kaine wiirglig glaube ka,
verzelled das em Fäärimaa.
|
Rippezwigger "Vo Kultur pur ze Bale totale"
Friehner hetts e Codex gää
wo gsait het wie di muesch benäh
am Fritig isst me numme Fisch
Nase bohrt me nit am Disch
im Drämmli machsch de n Alte Platz
me list e Zyttig - und nit d Baz.
|
| die Aagfrässene "Littering - E Lääbesgfyhl"
Zem Byschpil han y geschter gseh
im Drämmli Richtig Eglisee
e Schnuudergoof vo 13 Johr
und wyte Hoose, lange Hoor
Är het drotz zäh Pfund Ibergwicht
E Big Mägg Menü zmidds im Gsicht
D Soose gläbbt, das isch kai Witz
zer Helfti an sym Vordersitz
rächts am Boode liggt e Gugge
mäinsch dä Labbi wurd sich bugge?
und am Änd blybt noo däm Ässe
ganz vyl Drägg am Ort vergässe
kunnt derzue, kasch s kuum verdraage
stingge duet s im ganze Waage
|
Querschleeger Jungi Garde "D‘BeeVauBee - het Ranzewee..."
dr ganzi Zeedel handlet vo dr BVBee und isch en ächti Trouvaille! Doo e paar Uszüüg:
... denn dr BVB-Bär wünscht e glaari Trennig
zwüsche Mischtkübeltram und Kehrichtverbrennig...
...Aber wo si uff Diesel göhn
vergässe doch die Pauseglöön
d‘Konzession - s‘isch fascht wie im Zolli
und jetz faare halt allwäg wieder d‘Trolli...
...au s‘Dach isch undicht, hörsch verzelle
s‘isch s gliich Modäll - wie d Passerelle
und so entpuppt sich dä Combino
für d BVB zum Pendolino
duet in jedere Kurve liide
und foot aa d‘Trottoirränder schniide
kurz: dä Combino isch für d‘ Katz
genau so wie die neui Baz...
...hett überall Riss und kai richtigi Fiehrig
ganz genau wie die neu Regierig
und in ainem gliiche sich, s‘isch s‘Glaari
s Combino Dram und d Zanolari:
baidi stöön fascht ständig under Drugg
und beidi hänn e Schruube lugg
dr Lewin hört me langsam flueche
und dr Garantieschiin sueche...
|
| Pierrot-Clique "Chumm, Chueli, chumm!"
Vo Niiderfluur wämmer bim Haimwääg nyt wisse,
vo Siemens, halt Schwoobe, wirsch ainewäg bschisse.
Vo Allschwil bis Rieche, via Casino
haissts kimpftig: Rösslitram statt Combino!
|
Die alte Abverheyte "Fuul, digg und zfride"
Der Lewin findet: S wäär e Sääge,
scho wäge de Combino-Wääge,
denn noonem letschte Siemens-Bricht
gehn die hii wäägem Ibergwicht.
|
| Alti Garde vo der Pierrot-Clique "Hai Light (oder so)"
dr Zeedel verzellt die ganzi Gschicht vom Haifisch, wien-er sich ins Säuli verliebt het, und wie schliesslig sis Härz im Liebeskummer het afo brenne, mitsamt em Depot. E Traum-Zeedel vom feinschte!
E Säggser het mer letschti glagt bim Sande,
geege dä Haifisch kenn är nimme lande.
Der flotti Dreier kaa men au vergässe,
s isch kaine gstande, alli syyge gsässe.
Der Hai blamiert si alli bis uff d Gnoche,
au der Combino isch scho zämebroche.
Dää Eerger macht de Drämmli d Biire waicher,
si wäggsle d Farb und wäärde als wie blaicher.
|
d‘Basler-Dybli "Basel Comité City Marathon"
Duur d‘Clarastrooss, do laufsch am beschte Hand in Hand
ellai do griegsch doch Schiss dert in däm Niemandsland
und bisch an dr Mittlere Brugg no zwääg
no kunnt d‘BeeVauBee mit eme nätte Gääg
dört stoot e Combino queer im Wääg.
|
| Die Bschissene "Jeede naart jeede"
Au d‘Schwoobe naare d‘BeeVauBee
kasch‘s an de neye Drämmli gsee.
Die Combino sind e Schand,
die gheie jetzt scho uusenand.
Denn gits bi deene no soo Naare,
wo männgmool näb de Schiine faare.
|
Buure-Lümmel "S Combino Casino"
Au d Bärner schigge leywys e baar alti Grääne
so Gnochebrächer mit defäggte Gsundhaits-Lääne
Nimmsch soone roote Pfyl, fielsch di wie bsoffe
und dänggsch, do wäär i lieber gloffe!
Und will im Depot soone Chef-Beamte pennt,
isch ene no soon e rooti Bränte aabe brennt.
|
| Näschthogger "Basel Vellig Blangg"
Byym Baanhofblatz - ganz blaich voor Schregge -
duet äär e soon e Dramm entdegge
woo d Bäärner-Mutze Baasel gänn,
will d dyyr Combinos nimm rächt wänn!
Sogaar in Vietnam - z hinderscht hinde-
kasch soonigi hit kuum me finde.
|
Bebby Waggis "Sujet Äxtrafahrt"
Dien mer d Dante Schuggi kloone,
dir wärdet gseh, es wird sich lohne.
|
